११औं हिसान अन्तर-कलेज खेलकुद प्रतियोगितामा सतुङ्गलस्थित जेसिस स्कुललाई तीन स्वर्ण
Thankot Times 
थानकोट ।
हिसान काठमाडौं अन्तर-कलेज खेलकुद प्रतियोगितामा चन्द्रागिरि नगरपालिका सतुङ्गलस्थित जेसिस इन्टरनेसनल बोर्डिङ सेकेन्डरी स्कुल, कलेजले ३ स्वर्ण हात पारेको छ ।
माघ १६ देखि १८ गतेसम्म आयोजित प्रतियोगिताको टेबलटेनिसको स्पर्धामा छात्रतर्फ जेसिसका कक्षा ११ का छात्र रिसन कार्की र कक्षा ११ की छात्रा बिप्रिसा श्रेष्ठले स्वर्ण पदक जिते ।
प्रतियोगिताको अन्तिम दिन शुक्रबार सम्पन्न छात्रातर्फको बास्केट बलको फाइनलमा समृद्धि कलेजलाई पराजित गर्दे जेसिसले स्वर्ण हात पार्यो । सो स्पर्धामा वेस्ट प्लेयर अवार्ड जेसिसकी कृति मोक्तान हात पारिन् ।
हिसान काठमाडौंका अध्यक्ष जेसिका जेम्लिङ्ग, हिसान केन्द्रीय कार्य समितिका उपाध्यक्ष डा. स्वागत श्रेष्ठ लगायतले पदक हात पार्ने खेलाडी तथा प्रशिक्षकहरूलाई पुरस्कृत गरे ।
प्रतियोगिता कलंकीस्थित काठमाडौं भ्याली कलेजमा सञ्चालन भएको थियो ।
ट्रेन्डिङ
