थानकोट ।

चन्द्रागिरि नगरपालिका वडा नं. २ नागढुङ्गास्थित चेक प्वाइन्टबाट एक युवा पक्राउ परेका छन् । पक्राउ पर्नेमा सिराहा गोलबजार गाउँपालिका वडा नं. ०२ बस्ने २४ वर्षीय श्रीराम महत्तो रहेका छन् ।

प्रहरीका अनुसार शुक्रबार बिहान काँकडभिट्टादेखि काठमाण्डौतर्फ आउँदै गरेको प्र.०१-००२ ख ०५४१ नम्बरको यात्रुवाहक बसलाई नागढुङ्गा प्रहरी टोली र लागुऔषध नियन्त्रण ब्युरो, शाखा कार्यालय नागढुङ्गा सहितको संयुक्त टोलीले चेकजाँच गर्ने क्रममा उक्त बसमा सवार महत्तोलाई शंका लागी चेकजाँच गर्ने क्रममा उनले लगाएको खैरो रंगको ज्याकेटभित्र प्रतिबन्धित लागू औषध खैरो हिरोईन (ब्राउन सुगर) ४० ग्राम फेला परेपछि उनी पक्राउ परेका हुन् ।

उनलाई थप अनुसन्धानको लागि महानगरीय प्रहरी वृत थानकोटमा ल्याइएको छ ।