थानकोट ।

नैकापस्थित ब्राइट फ्यूचर माविमा सञ्चालित हिसान फुटसल प्रतियोगिताको उपाधि मनासलु कलेजले जितेको छ ।

हिसान काठमाडाैं पश्चिम भेगीय स्कुल, कलेजद्धारा माघ १५ देखि १७ गतेसम्म आयोजित प्रतियोगितामा काठमाडाैं पश्चिम भेगका विभिन्न स्कुल, कलेजका १६ टोलीले सहभागिता जनाएका थिए ।

प्रतियोगिताको फाइनलमा मनासलुले काठमाडाैं कलेज अफ सेन्ट्रल स्टेटमाथि ४-२ को सहज जित हात पार्यो ।

मनासलुका मिलन श्रेष्ठ प्रतियोगिताको उत्कृष्ठ गोलरक्षक घोषित भए । मनासलुकै अर्जित तामाङ सर्वोत्कृष्ठ खेलाडी चुनिए ।

काठमाडाैं कलेज अफ सेन्ट्रल स्टेटका सरिन थापा प्रतियोगिताको सर्वाधिक गोलकर्ता बने ।

काष्ठमण्डप कलेजले फेयर प्ले टिम अफ द टुर्नामेन्टको उपाधि जित्यो ।

प्रतियोगिताका विजेता, उपविजेता तथा अन्य विधामा अब्बल घोषित भएका टोली तथा खेलाडीहरूले ट्रफी, मेडल र प्रमाणपत्र प्राप्त गरे ।