थानकोट ।

चन्द्रागिरि नगरपालिका वडा नम्बर १५ ढुङ्गाअड्डामा बेवारिसे शव फेला परेको छ ।

ढुङ्गाअड्डा पिपल चौतारीस्थित प्रगति युवा क्लबको भवनमा मंगलबार दिउँसो एक पुरुषको शव फेला परेको हो ।
क्लब भवनको दोश्रो तल्लामा अन्दाजी ६० वर्षिय पुरुष सुतिरहेको अवस्थामा मृत फेला परेको प्रहरी प्रभाग बलम्बुले जनाएको छ ।

प्रारम्भिक अनुसन्धानमा ती व्यक्ति धादिङ जिल्ला छत्रे देउराली स्थायी वतन भई हाल सडक पेटिमा मागिखाने गरेको खुलेको प्रहरीकाे भनाई छ।

शवको जाँच मुचुल्का गरि पोष्टमर्टनका लागि त्रिवि शिक्षण अस्पतालमा पठाइएको प्रहरीले जनाएको छ ।

घटनाकाे बारेमा थप अनुसन्धान जारी रहेको बताइएको छ ।