थानकोट ।

नेपाली बजारमा मंगलबार सुनको मूल्य अघिल्लो दिनको तुलनामा घटेर कारोबार भइरहेको छ ।

मंगलबार बजारमा सुनको मूल्य हिजो सोमबारको दाँजोमा तोलामा ९ सय रुपैयाँले घटेको नेपाल सुनचाँदी व्यवसायी महासंघले जनाएको छ ।

आज छापावाल सुनको मूल्य प्रतितोला एक लाख ५९ हजार २ सय रुपैयाँ कायम छ ।

हिजो छापावाल सुन प्रतितोला एक लाख ६० हजार १ सय रुपैयाँमा किनबेच भएको थियो ।

मंगलबार चाँदीको मूल्य पनि तोलामा १५ रुपैयाँले घटेको छ ।

यसदिन चाँदी प्रतितोला एक हजार ८ सय ३५ रुपैयाँमा कारोबार भइरहेको महासंघको भनाइ छ ।

हिजो सोमबार चाँदी प्रतितोला एक हजार ८ सय ५० रुपैयाँमा कारोबार भएको थियो ।