थानकोट । 

उच्च शिक्षालय तथा माध्यमिक विद्यालय संघ नेपाल (हिसान) अन्तर्गतका विद्यालयहरूबीच चन्द्रागिरि नगरपालिकामा फुटसल प्रतियोगिता सञ्चालन हुने भएको छ ।

हिसान काठमाडाैं पश्चिम भेगीय स्कुल, कलेजद्धारा आयोजना गरिने प्रतियोगिता माघ १५ देखि १७ गतेसम्म नैकापस्थित ब्राइट फ्यूचर माविको एरिनामा सञ्चालन हुनेछ ।

प्रतियोगितामा काठमाडाैं पश्चिम भेगका करिब १७ वटा विद्यालय तथा कलेजहरूको सहभागिता रहने बताइएको छ ।

प्रतियोगिताको टाई सिट-ड्र सोमबार बेलुका ५ बजे काठमाडौं भ्याली कलेजमा हुने ब्राइट फ्यूचर कलेजका प्रमुख तथा काठमाडौं हिसानका कार्यकारी सदस्य श्यामकृष्ण महर्जनले जानकारी दिए ।

प्रतियोगिताका विजेता, उपविजेता तथा व्यक्तिगत विधातर्फ सर्वोत्कृष्ठ हुनेले ट्रफी, मेडल तथा प्रमाण पत्र पाउनेछन् ।