सभापति कप फुटबल: अन्तिम क्वार्टरफाइनलमा आज फ्रेन्ड्स र एनआरटी खेल्दै
Thankot Times
२०८१ माघ १३ गते ८:४९
थानकोट ।
सभापति कप फुटबल प्रतियोगिताको अन्तिम क्वार्टरफाइनलमा आज आइतबार फ्रेन्ड्स र न्युरोड टीम (एनआरटी) क्लबले खेल्दैछन् ।
यो खेल बेलुका साढे पाँच बजेपछि दशरथ रङ्गशालामा शुरु हुनेछ ।
आजको खेलको विजेताले सेमिफाइनलमा लोकतान्त्रिक खेलकुद संघ बागमती प्रदेशसँग खेल्नेछ ।
शनिबार सम्पन्न खेलमा नेपाल पुलिस क्लबलाई हराउँदै बागमती सेमिफाइनलमा पुगेको छ ।
सङ्कटा र मच्छिन्द्र फुटबल क्लब पनि सेमिफाइनलमा पुगिसकेका छन् ।
प्रतियोगिताको विजेताले २६ लाख र उपविजेताले १३ लाख रुपैयाँ पुरस्कार प्राप्त गर्नेछन् ।
ट्रेन्डिङ
