२६ लाख रुपैयाँ पुरस्कार राशीको सभापति कप फुटबल प्रतियोगिता आजबाट
Thankot Times
२०८१ माघ १० गते १३:५४
थानकोट ।
२६ लाख रुपैयाँ पुरस्कार राशीको सभापति कप फुटबल प्रतियोगिता आजबाट सुरू हुँदैछ ।
नेपाल लोकतान्त्रिक खेलकुद संघ महाधिवेशन निर्देशन समितिको आयोजनामा बिहीबारबाट काठमाडौंमा सभापति कप फुटबल प्रतियोगिता सुरु हुन लागेको हो ।
त्रिपुरेश्वरस्थित दशरथ रंगशालामा आयोजना हुने सभापति कप उद्घाटन खेलमा ब्वाइज युनाइटेड र संकटा क्लबबीच प्रतिष्पर्धा हुनेछ, जुन खेल दिउँसो ३ बजेबाट सुरू हुनेछ ।
प्रतियोगिता माघ १७ गते सम्पन्न हुनेछ ।
प्रतियोगितामा बागमती प्रदेशसहित मच्छिन्द्र क्लब, एपीएफ क्लब, नेपाल पुलिस क्लब, एनआरटी, संकटा क्लब, फ्रेन्ड्स क्लब, ब्वाइज युनाइटेड र संकटा क्लब सहभागी हुनेछन्।
प्रतियोगिताको उपविजेता टोलीले १३ लाख पुरस्कार पाउने नेपाल लोकतान्त्रिक खेलकुद संघ महाधिवेशन निर्देशन समितिले जनाएको छ।
ट्रेन्डिङ
