थानकोट ।

चन्द्रागिरि नगरपालिका-१३ पुरानो नैकापस्थित कंकाली माध्यमिक विद्यालयले अंग्रेजी विषय शिक्षण शिक्षक माग गरेको छ ।

सोमबार एक सूचना जारी गर्दै विद्यालयले माध्यमिक तृतीय तहमा शिक्षक माग गरेको हो ।

राहत कोटामा नियुक्ति दिइने सो पदका शिक्षकले नेपाल सरकारले तोके अनुसारको तलब सुविधा पाउने विद्यालयले जनाएको छ ।

अंग्रेजी मूल विषयमा कम्तीमा स्नातक तह उत्तीर्ण ४० वर्ष ननाघेका तथा शिक्षण अध्यापन अनुमति पत्र भएका व्यक्तिले माघ २२ गतेभित्र दरखास्त पेश गर्न सक्ने विद्यालयका प्रधानाध्यापक विष्णुप्रसाद पनेरुले जानकारी दिए ।

यस्तै, सोही विद्यालयले बालकक्षा सहजकर्ता समेत माग गरेको छ ।

करार सेवामा नियुक्ति दिइने सो पदमा महिलाले मात्रै दरखास्त दिन सक्ने विद्यालयले जनाएको छ । ४० वर्ष ननाघेका महिलाले माघ २२ गतेसम्म यस पदका लागि दरखास्त दिन सक्नेछन् ।

मन्टेश्वरी तालिम प्राप्त गरेका महिला यस पदका लागि ग्राह्य हुने समेत विद्यालयद्धारा सूचनामा उल्लेख छ ।