थानकोट ।

नेपाली काँग्रेसको शुभेच्छुक संस्था नेपाल थारू संघको केन्द्रीय समितिको बैठक काँग्रेसको मुख्यालय सानेपामा सम्पन्न भएको छ ।

सोमबार बसेको संघको दोस्रो पूर्ण बैठकमा चैत्र मसान्तसम्म केन्द्रीय महाधिवेशन आयोजना गर्ने विषयमा छलफल भएको बताइएको छ।

बैठकमा नेपाल थारु संघ महाधिवेशन निर्देशन समितिका संयोजक केन्द्रीय सदस्य तथा सांसद्उ उदय शम्सेर राणाको समेत उपस्थिति रहेको थियो ।

यस्तै बैठकमा नेपाली काँग्रेसका केन्द्रीय सदस्य डा.गोपाल दहित, योगेन्द्र चौधरी तथा नेपाल थारु संघका केन्द्रीय अध्यक्ष शिव नारायण गुरौ महतो लगायत उपस्थित थिए । बैठकमा थारु संघको सदस्यता लिएका करिब ३ सय जनालाई प्रमाणपत्र वितरण गरिएको नेपाल थारु संघकी केन्द्रीय सदस्य ललिता चाैधरीले बताइन् ।