थानकोट ।

ग्रेटर नेपालका अभियन्ता फणिन्द्र नेपाल सिंहदरबार दक्षिण गेटबाट पक्राउ परेका छन्।

सिंहदरबारमा निषेधित क्षेत्र तोडेपछि उनलाई पक्राउ गरिएको जिल्ला प्रहरी परिसर काठमाडौंका एसपी नवराज अधिकारीले बताए। नेपालले नारा लगाउँदै निषेधित क्षेत्र तोडेपछि पक्राउ गरिएको उनले बताए।

नेपालले सोमबार नै आफ्नो सामाजिक सञ्जालमा लिपुलेक प्रकरणमा ग्रेटर नेपाल धर्नामा सहभागी हुन आग्रह गरेका थिए। 

लिपुलेकको नेपाली सार्वभौमसत्तामाथि इन्डियाली ज्यादती देखेर पनि केही नभएजस्तो गर्ने  र चीन र इन्डियाले लिपुलेक प्रयोग गर्ने सहमति गर्दा त्यो चीन र इन्डियाबिचको प्राविधिक कुरा हो भन्ने गैर जिम्मेवार अभिव्यक्ति सरकारले दिएको भन्दै त्यसको विरोध गर्न उनले आग्रह गरेका थिए।