थानकोट ।

कारोबार हुने साताको पहिलो दिन आज आइतबार नेपाली बजारमा सुनको मूल्य तोलामा १ हजार ५ सय रुपैयाँले गिरावट आएको छ।

नेपाल सुनचाँदी व्यवसायी महासंघका अनुसार पछिल्लो कारोबार दिन गत शुक्रबार तोलामा १ लाख ५३ हजार ५ सय रुपैयाँ कायम भएको छापावाल सुनको भाउ आइतबार घटेर तोलामा १ लाख ५२ हजार रुपैयाँ कायम भएको हो ।

यस्तै, आज चाँदीको मूल्य भने स्थिर छ । पछिल्लो कारोबार दिन गत शुक्रबार तोलामा १ हजार ८ सय १० रुपैयाँ कायम भएको चाँदीको मूल्य आज आइतबार पनि सोही मूल्यमा कारोबार भइरहेको महासंघको भनाइ छ ।