थानकोट ।

चन्द्रागिरि नगरपालिका वडा नं. १२ बलम्बुस्थित बलम्बु मिसा पुच:काे तेस्रो वार्षिक साधारण सभा सम्पन्न भएको छ ।

शनिबार नगरप्रमुख बसन्ती श्रेष्ठ, चन्द्रागिरि वडा नं. १२ का वडाध्यक्ष न्हुच्छेबहादुर महर्जन लगायतको उपस्थितिमा संस्थाले तेस्रो वार्षिक साधारण सभा सम्पन्न गरेको बलम्बु मिसा पुचःले जनाएको छ ।

बलम्बु क्षेत्रका करिब ४५० जना महिलाहरू सो समुहमा आवद्ध छन् । महिलाहरूका लागि आय आर्जनका विभिन्न पक्षहरूमा पुचःले मार्गनिर्देश गर्दै आएको संस्थाकी अध्यक्ष रामकुमारी महर्जनको भनाइ छ ।

पुचःले परम्परागत धर्म संस्कृति तथा सांस्कृतिक उत्सवहरूको जगेर्नाका लागि कार्य गर्दै आएको महर्जनले बताइन् ।

संस्था २०७८ सालमा स्थापना भएको हो ।

संस्थाको तेस्रो साधारण सभालाई चन्द्रागिरि नगरका मेयर घनश्याम गिरीले भर्चुअल माध्यमबाट शुभकामना दिएको समेत बलम्बु मिस पुचः ले जनाएको छ ।
साधारण सभामा संस्थाका सल्लाहकार र ज्यापु महागुठी अध्यक्ष धनवीर महर्जन, संस्थाका सल्लाहकार रत्नकुमारी महर्जन, ज्यापु महागुठी सह कोषाध्यक्ष धर्मेन्द्र महर्जन, नेवाः देय दबु चन्द्रागिरि वरिष्ठ उपाध्यक्ष हरिकृष्ण महर्जन तथा चन्द्रागिरि नगरपालिका भरिका विभिन्न मिसा पुच: का अध्यक्ष र संस्थाका सबै सदस्यहरुकाे उपस्थिति रहेको थियाे ।