थानकोट ।

पहिलो संस्करणको स्युचाटार क्रिकेट लिगको फाइनल खेल आज हुँदैछ ।

नागार्जुन नगरपालिकास्थित तारकेश्वर युवा क्लबको आयोजनामा पाैष १२ गतेबाट सुरु भएको प्रतियोगिताको उपाधिका लागि ग्रेट हिमालय क्रिकेट एकेडेमी र किंग्स क्रिकेट एकेडेमीबीच प्रतिस्पर्धा हुनेछ ।

लिग कम नकआउट ढाँचामा खेलाइएको टी-१० प्रतियोगितामा २० टोलीको सहभागिता रहेको थियो ।

उपाधि भिडन्त मध्यान्ह १२ः१५ बजेबाट सुरु हुने तारकेश्वर युवा क्लबले जनाएको छ ।

प्रतियोगिताको दोश्रो सेमीफाइनलमा ग्रेट हिमालयले टीम बीडीएस माथि ३९ रहनको सहज जित हात पार्यो ।

हिमालयले पहिले ब्यटिङ गर्दै पूरा १० ओभरको खेलमा ७ खेलाडीको नोक्सानीमा ८१ बनाएकोमा सो लक्ष्य पछ्याउने क्रममा टीम बीडीएस ७.१ ओभरमा अलआउट हुनुपूर्व ४२ मा समेटियो ।

पहिलो सेमीफाइनल खेलमा किंंग्स क्रिकेट एकेडेमीले टीम बीएमडीएसले पेश गरेको ५७ रनको लक्ष्य ५ खेलाडीको नोक्सानीमा ८.३ ओभरमा पूरा गर्यो ।

प्रतियोगिताको विजेताले १ लाख र दोस्रोले ५० हजार रुपैयाँ प्राप्त गर्ने छन् ।

प्लेयर अफ सिरिजलाई १० हजार तथा उत्कृष्ट बलर र ब्याटर ५ हजार रुपैयाँ प्राप्त गर्नेछन् ।