थानकोट ।

कारोबार हुने साताको तेस्रो दिन मंगलबार सुनचाँदीको मूल्य घटेर कारोबार भएको छ ।

सुनको मूल्य तोलामा एक हजार रुपैयाँले घटेको नेपाल सुनचाँदी व्यवासयी महासंघले जनाएको छ ।

यस दिन छापावाल सुन प्रतितोला एक लाख ४९ हजार ६ सय रुपैयाँमा किनबेच भइरहेको छ । अघिल्लो कारोबार दिन सोमबार (हिजो) छापावाल सुन प्रतितोला एक लाख ५० हजार ६ सय रुपैयाँमा कारोबार भएको थियो ।

चाँदीको मूल्य पनि तोलामा ३० रुपैयाँले घटेको छ ।

चाँदी प्रतितोला एक हजार ७ सय ६५ रुपैयाँमा खरिद-बिक्री भइरहेको छ ।

सोमबार चाँदी प्रतितोला एक हजार ७ सय ९५ रुपैयाँमा कारोबार भएको थियो ।