थानकोट ।

लुक्लाबाट काठमाडौं आउँदै गरेको हेली एभरेष्टको ९ एन-एकेजी हेलिकप्टरमा आइतबार चरा ठोक्किएपछि काभ्रेको साँगामा सो हेलिकप्टर आकस्मिक अवतरण गराइएको छ ।

चालक दलका सदस्यसहित ६ जना सवार हेलिकप्टरमा चरा ठोक्किएपछि साँगामा अवतरण गराइएको नेपाल नागरिक उड्डयन प्राधिकरणका प्रवक्ता ज्ञानेन्द्र भुलले जानकारी दिए ।

उनका अनुसार चरा ठोकिएर मिररमा समस्या देखिएपछि साँगामा अवतरण गरिएको हो ।

प्यासेन्जरलाई गाडीमार्फत काठमाडौं ल्याउने तयारी भइरहेको उनले जानकारी दिए ।