थानकोट ।

लायन्स क्लब अफ इन्द्र अन्नपूर्ण योगाको अभिभावकत्वमा लियो क्लब अफ काठमाडौ इन्द्र अन्नपूर्णको गठन गरिएको छ ।

लायन्स क्लबको डिस्ट्रिक ३२५ एफका गभर्नर शंकर शारदाको उपस्थितमा शनिबार लियो अनन्या घिमिरेको अध्यक्षतामा क्लब गठन भएको हो ।

नैकापस्थित इन्द्र अन्नपूर्ण योगाको सभा हलमा आयोजित एक कार्यक्रमका बीच डिस्ट्रिक ३२५ एफका गभर्नर शंकर शारदाले क्लबका सदस्यहरूका लागि प्रमाणपत्र तथा पिन हस्तान्तरण गरेका थिए ।

सो क्रममा लायन्स क्लबका विभिन्न पदमा रहेका व्यक्तित्वहरू तथा लियो क्लब अफ काठमाडौ इन्द्र अन्नपूर्णका सदस्यहरूको बाक्लो उपस्थिति रहेको थियो ।

समारोहमा लियो क्लब अफ काठमाडौ इन्द्र अन्नपूर्णको प्रमाणपत्र क्लब अध्यक्ष अनन्या घिमिरेलाई हस्तान्तरण गरिएको थियो ।

लियो क्लबले समाजमा विभिन्न परोपकारी एवं स्वयंसेवी कार्यहरुमा सहभागिता जनाउँदै आएको छ ।

चन्द्रागिरि नगर क्षेत्रमा गठन भएको यो पहिलो लियो क्लब रहेको लायन्स क्लब अफ इन्द्र अन्नपूर्ण योगाका संस्थापक एवं लियो क्लब अफ इन्द्र अन्नपूर्ण योगाका सल्लाहकार डा. सुभाष घिमिरेले जानकारी दिए ।

नेपालमा हालसम्म करिब ४८० वटा लियो क्लब गठन भएका छन जसमा  १६ हजार भन्दा धेरैले सदस्यता लिइसकेका छन् ।

लियो क्लबहरूले युवाहरूलाई सामाजिक सेवा गतिविधिहरूमा भाग लिएर नेतृत्व गुणहरू विकास गर्न प्रोत्साहित  गर्दछ।

लियो क्लबलाई प्रायोजन र प्रारम्भ गर्न लायन्स क्लबले सहयता पुर्याउने प्रचलन छ ।