थानकोट ।

नागार्जुन नगरपालिकास्थित तार्केश्वर युवा क्लबको आयोजनामा आजबाट स्युचाटार क्रिकेट लिग प्रतियोगिता हुँदैछ ।

प्रतियोगितामा २० टिमको सहभागिता रहने प्राविधिक संयोजक रविन्द्र गुप्ताले जानकारी दिए ।

लिग कम नकआउट आधारमा हुने प्रतियोगिताको विजेताले १ लाख र उपविजेताले ५० हजार नगद पुरस्कार प्राप्त गर्ने छन् ।

प्लेयर अफ सिरिजलाई १० हजार तथा उत्कृष्ट बलर र ब्याट्सम्यानलाई जनही ५ हजार नगदबाट पुरस्कृत गरिनेछ ।

प्रतियोगिता सञ्चालन गर्न करिब १३ लाख रुपैयाँ खर्च हुने आयोजक क्लबका अध्यक्ष तथा जिसस काठमाडाैं प्रमुख सन्तोष बुढाथोकीले बताए । चार दिनसम्म चल्ने प्रतियोगिताका सम्पूर्ण खेलहरु स्युचाटारस्थित खेल सहिद प्रद्युम्न शालिक चोकस्थित खेल मैदानमा सञ्चालन हुनेछन् ।

लिगकम नकआउट आधारमा टी-१० फर्म्याटमा हुनेछ । हरेक टिममा २ वैकल्पिकसहित १० खेलाडी हुनेछन् ।

प्रतियोगिताको पहिलो दिन शुक्रबार ७ खेल हुनेछन् ।  प्रतियोगिताको उद्घाटन खेलमा यूथ हसनटारले चक्रवर्ति ल कलेजको सामना गर्नेछ ।