अखिल (क्रान्तिकारी) को नेतृत्व चयन पुस १७ मा हुने
Thankot Times
२०८१ पुष १० गते २०:०५
थानकोट ।
नेकपा (माओवादी केन्द्र) निकट विद्यार्थी संगठन अखिल (क्रान्तिकारी) को नेतृत्व चयन पुस १७ मा हुने भएको छ ।
क्रान्तिकारीको केन्द्रीय निर्वाचन समितिका प्रमुख निर्वाचन अधिकृत मुक्तिनारायण प्रधानले कार्यतालिका सार्वजनिक गरेका हुन् ।
नयाँ नेतृत्व चयन गर्नेगरी क्रान्तिकारीको २३औं राष्ट्रिय सम्मेलन असोज १० देखि शुरू भएको थियो । तर, नेताहरूले आफ्नो स्वार्थ अनुकूल हुने गरी गुटगत होडबाजी गरेपछि नेतृत्व चयन नै नगरी सम्मेलन स्थगित भएको थियो ।
सार्वनजनिक नयाँ कार्यतालिका अनुसार पहिलो चरणमा उमेरहद लगाउने/नलगाउनेबारे पुस १३ गते मतदान हुनेछ । दोस्रो चरणमा नेतृत्व चयन गर्नेगरी पुस १७ गते निर्वाचन तोकिएको छ ।
निर्वाचन कार्यतालिका हेराैं
ट्रेन्डिङ
