थानकोट ।

यही पुस १२ गतेदेखि नागार्जुन नगरपालिकास्थित तार्केश्वर युवा क्लबको आयोजनामा स्युचाटार क्रिकेट लिग प्रतियोगिता हुने भएको छ ।

प्रतियोगितामा १६ टिमको सहभागिता रहने प्राविधिक संयोजक रविन्द्र गुप्ताले जानकारी दिए ।

लिग कम नकआउट आधारमा हुने प्रतियोगिताको विजेताले १ लाख र उपविजेताले ५० हजार नगद पुरस्कार प्राप्त गर्ने छन् ।

प्लेयर अफ सिरिजलाई १० हजार तथा उत्कृष्ट बलर र ब्याट्सम्यानलाई जनही ५ हजार नगदबाट पुरस्कृत गरिनेछ ।

प्रतियोगिता सञ्चालन गर्न करिब १३ लाख रुपैयाँ खर्च हुने आयोजक क्लबका अध्यक्ष तथा जिसस काठमाडाैं प्रमुख सन्तोष बुढागथोकीले बताए ।

चार दिनसम्म चल्ने प्रतियोगिताका सम्पूर्ण खेलहरु स्युचाटारस्थित खेल सहिद प्रद्युम्न शालिक चोकस्थित खेल मैदानमा सञ्चालन हुनेछन् ।

लिगकम नकआउट आधारमा टी-१० फर्म्याटमा हुनेछ । हरेक टिममा २ वैकल्पिकसहित १० खेलाडी हुनेछन् ।