थानकोट ।

काठमाडौं र हेटौंडा जोड्ने थानकोट-चन्द्रागिरि-चित्लाङ सडकखण्ड आज आइतबारबाट बन्द हुने भएको छ ।

उक्त सडक खण्डअन्तर्गत पर्ने पानीघाटदेखि चन्द्रागिरि भन्ज्याङसम्म एक महिनासम्म सवारी आवागमन बन्द गर्न लागिएको हो ।

सडक डिभिजन कार्यालय काठमाडौंले आज बिहीबार सूचना जारी गर्दै सडक स्तरोन्नतिका लागि यही पुस ७ गतेदेखि माघ ६ गतेसम्म पूर्णरुपमा बन्द गरिने यसअघि नै सूचना जारी गरि जानकारी गराएको छ ।

सो अवधिभर वैकल्पिक सडकको प्रयोग गर्न कार्यालयले अनुरोध गरेको छ ।