नेपाली बजारमा सुनको मूल्य तोलामा १ हजार ७ सय रुपैयाँ घट्यो
Thankot Times
२०८१ पुष ४ गते ११:४२
थानकोट ।
कारोबार हुने साताको पाँचाैं दिन आज बिहीबार नेपाली बजारमा बहुमूल्य धाताु सुनको मूल्य अघिल्लो कारोबार दिनको तुलनामा घटेको छ ।
आज सुनको मूल्य तोलामा १ हजार ७ सय रुपैयाँले घटेर कारोबार भइरहेको नेपाल सुनचाँदी व्यवसायी महासंघले जनाएको छ ।
बिहीबार छापावाल सुन प्रतितोला एक लाख ४९ हजार रुपैयाँमा खरिदबिक्री भइरहेको छ ।
हिजो बुधबार छापावाल सुन प्रतितोला एक लाख ५० हजार ७ सय रुपैयाँमा किनबेच भएको थियो ।
यस्तै आज चाँदीको मूल्यमा पनि गिरावट आएको छ । आज सो धातुको मुल्य अघिल्लो कारोबार दिनको तुलनामा तोलामा ५५ रुपैयाँले घटेको छ ।
आज बिहीबार चाँदी प्रतितोला एक हजार ७ सय ८० रुपैयाँमा कारोबार भइरहेको छ।
ट्रेन्डिङ
