थानकोट ।

चन्द्रागिरि नगरपालिका ११ सतुङ्गलमा एक बालिका मृत अवस्थामा फेला परेकी छन् ।

प्रहरी वृत्त थानकोटका अनुसार सतुङ्गल खरिबोट नजिकै बालिका मृत फेला परेको सूचना प्राप्त भएपछि अहिले थानकोट वृत प्रमुखसहितको टोली घटनास्थलमा पुगेको छ ।

घटनाका बारेमा थप विवरण प्राप्त हुन बाँकी रहेको छ । घटनास्थलमा प्रहरीको प्राविधिक टोली समेत खटिएको छ ।

सो स्थलमा अहिले प्रहरी प्रभाग बलम्बुका प्रमुखसहितको थप टोली समेत परिचालित छ ।