थानकोट ।

चन्द्रागिरि नगरपालिका-०६ मातातिर्थ बालागाउँ क्षेत्रका परिचित समाजसेवी तथा सो क्षेत्रको एक मात्र सामुदायिक विद्यालय महाँलक्ष्मी आधारभूत विद्यालयका संस्थापक प्रधानाध्यापक बुद्धहरी उदासको निधन भएको छ ।

मृगाैलासम्बन्धी रोगको उपचार गराइरहेका उदासको गत शुक्रबार ६३ वर्षको उमेरमा निधन भएको हो ।

उदास लगायतको अग्रसरतामा २०४५ सालमा बालागाउँस्थित महाँलक्ष्मी मन्दिर नजिकै महाँलक्ष्मी प्राथमिक विद्यालय स्थापना गरिएको थियो ।

बालागाउँका स्थानीय उदासको शुक्रबार नै अन्तिम संस्कार गरिएको बताइएको छ ।