थानकोट ।

काठमाडाैंमा जारी नेपाल प्रिमियर लिग (एनपीएल)मा आज बिहीबार पनि दुई खेल हुँदैछन् ।

कीर्तिपुरस्थित त्रिभुवन विश्वविद्यालयको खेल मैदानमा हुने दिनको पहिलो तथा प्रतियोगिताको २०औं खेलमा बिहान ९ः१५ बजे पोखरा एभेन्जर्सले विराटनगर किंग्सको सामना गर्नेछ ।

पोखरा र विराटनगर दुवैले प्रतियोगितामा खेलेका समान ४-४ मध्ये १ खेलमा मात्रै जित हात पारेका छन् ।

यस्तै, कीर्तिपुरस्थित त्रिभुवन विश्वविद्यालयको खेल मैदानमै हुने दिनको दोश्रो तथा प्रतियोगिताको २१औं खेलमा दिउँसो १ः१५ बजे जनकपुर बोल्ट्सले काठमाडाैं गोर्खाजसँग खेल्नेछ ।

काठमाडाैंले यसअघि खेलेका ४ मध्ये २ खेलमा जित र २ मा हार व्यहोरेको छ । यस्तै, जनकपुरले खेलेका ५ मध्ये ४ खेलमा जित निकालेको छ ।

अंकतालिकामा सुदूर पश्चिम ८ अंकका साथ पहिलो स्थानमा रहँदा जनकपुर दोश्रो, चितवन तेस्रो र कर्णाली चाैथो स्थानमा छन् ।