थानकोट ।

नेपाल विद्युत प्राधिकरणले कीर्तिपुर नगरका विभिन्न क्षेत्रमा आज बुधबार बिहान ११ बजेबाट विद्युत सेवा अवरुद्ध हुने जनाएको छ ।

प्राधिकरणको काठमाडाैं उपत्यका पश्चिम वितरण प्रणाली सुदृणीकरण आयोजनाका अनुसार कीर्तिपुर वितरण केन्द्रको रोप वे फिडरको बल्खु करिडोर क्षेत्रमा आज बिहान ११ बजेबाट दिउँसो ३ बजेसम्म विद्युत लाइन अवरुद्ध हुने छ।

यस्तै, भोलि बिहीबार कीर्तिपुर वितरण केन्द्रकै मच्छेगाउँ फिडरको भत्केपाटीदेखि राराहिल चोक क्षेत्रमा पनि विद्युत सेवा अवरुद्ध हुने प्राधिकरणको सूचनामा उल्लेख छ ।

माैसम प्रतिकुल भएमा भने सट डाउन नहुने सो सूचनामा जनाइएको छ ।