थानकोट।

कीर्तिपुर नगरपालिका वडा नं. ६ चोभार धोखुबाली नजिकै मंगलबार बिहान एक कबाडी संकलन केन्द्रमा भीषण आगलागी भएको छ ।

स्थानीय सञ्चारकर्मी प्रताप महर्जनका अनुसार कीर्तिपुरबाट चोभार जाने सडक नजिकै नेपाली सेनाको कल्याणकारी कोषबाट निर्माणाधीन आवास क्षेत्र नजिकै आगलागी भएको हो ।

हावा तिव्र वेगमा चलेको कारण आगलागी नियन्त्रणमा लिने प्रयास सफल हुन सकेको छैन् ।

आगलागी भएको स्थानमा अस्थायी टहराहरू पनि भएको हुँदा सो क्षेत्रमा के कति मानिस बसोबास गरेका छन् सो विवरण आउन बाँकी छ ।

आगलागीको कारण पहिचान हुन बाँकी छ । घटनास्थलमा तीनवटा दमकल परिचालन गरिएका छन् ।