थानकोट ।

चन्द्रागिरि नगरपालिका-५ स्थित किसिपिडी ब्याडमिन्टन क्लबले विभिन्न विधाका खेलाडीहरूको सम्मान गरेको छ ।

शनिबार बिहान एक कार्यक्रमका बीच क्लबले किक बक्सर अविरल घिमिरेलगायतको सम्मान गरेको हो ।

सो क्रममा वर्ल्ड बुदो मार्सल आर्ट्स प्रतियोगितामा स्वर्ण पदक विजेता बृनिश महर्जन तथा प्रशिक्षक वीरकृष्ण महर्जनसमेत सम्मानित भएका थिए ।

खेलाडीहरू तथा खेल प्रशिक्षकहरूको हौसला बढाइ मनोबल उच्च राख्न सो सम्मान कार्यक्रम संयोजन गरिएको क्लबले जनाएको छ ।

चन्द्रागिरि नगरपालिका-५ का वडाध्यक्ष राजेन्द्र महर्जन तथा अन्य जनप्रतिनिधिहरू लगायतको उपस्थितिमा खेलाडीहरूको सम्मान गरिएको हो ।