थानकोट ।

चन्द्रागिरि नगरपालिका वडा नं. ८ को कार्यालयले दुई जना तेक्वान्दो खेलाडीहरूलाई सम्मान गरेको छ ।

बिहीबार वडा कार्यालय हातामा एक कार्यक्रमका बीच चन्द्रागिरि नगरपालिका- ८ का वडाध्यक्ष प्रल्हाद रिजालसहित अन्य जनप्रतिनिधिहरूले मातातिर्थ बस्ने तेक्वान्दो खेलाडीद्वय यवनदिन दाहाल र विशान्त के.सी. लाई नगद सहित सम्मान गरेका हुन्।

सो क्रममा  तेक्वान्दो खेलाडी केसी र दाहालले जनही ३० हजार रुपैयाँसहित सम्मान गरिएको वडाध्यक्ष प्रल्हाद रिजालले जानकारी दिए ।

वडा क्षेत्रमा बसोबास गर्ने खेलाडीहरूको हाैसला बढाउन सो सम्मान गरिएको र भविष्यमा पनि खेलाडीहरूको सम्मानमा वडा कार्यालयले कन्ज्युस्याइ नगर्ने वडाध्यक्ष रिजालको भनाइ छ ।

केसीले गत महिना बैंककमा सम्पन्न बैंकक कैपीएनपी ओपन तेक्वान्दो च्याम्पियनसीपमा स्वर्ण पदक जितेका थिए ।