थानकोट ।
चन्द्रागिरि नगरपालिका-२ नागढुङ्गा नाकाबाट एक युवा पक्राउ परेका छन् ।

जिल्ला प्रहरी परिसर काठमाडाैंका अनुसार बिहीबार बिहान करिब ९ः३० बजे काँकडभिट्टादेखि काठमाडौतर्फ आउँदै गरेको बा. प्र.०१-००६ ख ५९४५ नं.को यात्रुवाहक बसलाई प्रहरी प्रभाग नागढुङ्गाबाट खटिएको प्रहरी टोली तथा लागुऔषध नियन्त्रण ब्युरो, शाखा कार्यालय नागढुङ्गा सहितको संयुक्त टोलीले चेकजाँच गर्ने क्रममा सो बसमा सवार आकाश लिम्बुलाई शंका लागी चेकजाँच गर्दा निजले साथमा बोकेको कालो रङको झोलाभित्र लुकाई छिपाई ल्याएको अवस्थामा प्रतिबन्धित लागुऔषध ट्रमाडोल ५० वटा पत्तामा जम्मा ५०० (पाँच सय) पिस ट्रमाडोल फेला पारी बरामद गरी नियन्त्रणमा लिइएको हो ।

उनीमाथि प्रहरी वृत्त थानकोटबाट थप अनुसन्धान भईरहेको बताइएको छ।