थानकोट ।

काठमाडाैंमा जारी नेपाल प्रिमियर लिग क्रिकेट प्रतियोगिता अन्तर्गत आज बुधबार पनि दुई खेल हुँदैछन् ।

दिनको पहिलो खेलमा बिहान ९ः१५ बजे कर्णाली र काठमाडौंबीच खेल हुनेछ । कीर्तिपुरस्थित त्रिवि क्रिकेट खेल मैदानमा दुवै टोली पहिलो पटक आमुने सामुने हुँदैछन् ।

यसअघिको खेलमा कर्णाली याक्स जनकपुर बोल्टससँग पराजित भएको थियो भने काठमाडौं गोर्खाज चितवन राइनोजसँग पराजित भएको थियो । खेलमा कर्णालीबाट सोमपाल कामीले नेतृत्व गर्नेछन भने काठमाडौं गोर्खाजको नेतृत्व करण केसीले गर्दैछन् ।

दोश्रो खेलमा दिउँसो १ः१५ बजे विराटनगर र लुम्बनीबीच प्रतिस्पर्धा हुने तालिका छ ।

जनकपुर बोल्ट्स र सुदुरपश्चिम रोयल्ससँग पराजित भएको विराटनगर र पहिलो खेल खेल्न लागेको लुम्बिनी लायन्ससँग प्रतिस्पर्धा गर्दैछ ।

विराटनगर किंंग्स सन्दीप लामिछाने र लुम्बनी लायन्स रोहितकुमार पौडेलको कप्तानीमा मैदान उत्रनेछन् ।

प्रतियोगितामा खेलेका दुवै खेल जितेका जनकपुर बोल्ट्स र चितवन राइनोज अंक तालिकामा क्रमश पहिलो र दोश्रो स्थानमा छन् ।