थानकोट ।

मंसिर १६ मा हुने स्थानीय तहको उपनिर्वाचनको माैन अवधि सुरु हुनु केही घण्टाअघि काठमाडौंको कीर्तिपुरमा नेपाली कांग्रेस, नेकपा (एमाले) र नेकपा (माओवादी केन्द्र) ले छुट्टाछुट्टै चुनावी सभा गर्दैछन्।

नगरपालिकाको प्रमुख पद तथा वडा नं. १ र ४ को वडाध्यक्ष पदका लागि कीर्तिपुरमा उपनिर्वाचन हुँदैछ।

कांग्रेसले कीर्तिपुरस्थित लोकतान्त्रिक चोकमा चुनावी सभालाई गर्नेछ ।

एमालेले कीर्तिपुरको पाँगामा चुनावी सभा गर्दैछ।

नेकपा माओवादी केन्द्रले कीर्तिपुरको नगाउँ दोबाटोमा चुनावी सभा गर्दैछ।

कीर्तिपुरका चुनावी सभाहरूमा ती राजनीतिक दलका शीर्ष नेताहरूले सम्बोधन गर्ने बताइएको छ ।