थानकोट ।

ललितपुर महानगरपालिका–२ स्थित सानेपामा भारतीय नम्बरको ट्रकले चारवटा गाडीलाई ठक्कर दिएको छ ।

दुर्घटनामा परेर दुईजना घाइते भएको जिल्ला प्रहरी परिसर ललितपुरले जनाएको छ । 

भारतीय नम्बर युपी–४० टि–८१६२ ले ट्रकले सुरुमा बागमती–बिएए–५१४० नम्बरको निजी कारलाई ठक्कर दिएको थियो । सो कारको पछाडि सिटमा सवार दुईजना घाइते भएका छन् ।

त्यसपछि सो गाडी एकान्तकुनाबाट बल्खु जाँदै गरेका बा.२ ज २६१ नम्बरको ट्याक्सी, बा २० च ४२६२ नम्बरको कार, र बा९च ९३०३ नम्बरको निजी कारमा ठोक्किएको थियो । 

दुर्घटना गराउने ट्रकका चालक र सहचालकलाई प्रहरीले पक्राउ गरेको छ । घाइतेहरूको स्टार अस्पताल र बिएण्डबीमा उपचार भइरहेको छ ।