थानकोट ।

चन्द्रागिरि नगरपालिका-२ नागढुङ्गाबाट अवैध लागूऔषध ब्राउन सुगर जस्तो देखिने पदार्थ १ ग्राम सहित मोरङ विराटनगर महानगरपालिका-४ बस्ने ३५ वर्षीय ईन्सु रायलाई शनिबार बिहान प्रहरीले पक्राउ गरेको छ ।

प्रहरी प्रभाग नागढुङ्गा र लागूऔषध नियन्त्रण ब्युरो शाखा कार्यालय नागढुङ्गाबाट खटिएको प्रहरीले विराटनगरदेखि काठमाडौंतर्फ आउँदै गरेको बा. प्र.०३-००१ ख २२९४ नम्बरको बसलाई जाँच गर्न क्रममा बसमा सवार उनलाई उक्त पदार्थ सहित पक्राउ गरेको हो । 

यसैगरी  नागढुङ्गाबाट नै अवैध लागूऔषध ब्राउनसुगर जस्तो देखिने पदार्थ ९ ग्राम सहित सुनसरी ईटहरी उपमहानगरपालिका-८ बस्ने १९ वर्षीय सुशान्त विश्वास समेत ४ जनालाई शनिबार बिहान प्रहरीले पक्राउ गरेको छ ।

प्रहरी प्रभाग नागढुङ्गा र लागूऔषध नियन्त्रण ब्युरो शाखा कार्यालय नागढुङ्गाबाट खटिएको प्रहरीले काँकडभिट्टादेखि काठमाडौंतर्फ आउँदै गरेको बा. प्र. ०३-००१ ख २५५६ नम्बरको बसलाई जाँच गर्ने क्रममा बसमा सवार उनीहरूलाई उक्त पदार्थ सहित पक्राउ गरेको हो । 

दुवै घटनाका सम्बन्धमा प्रहरी वृत्त थानकोटले आवश्यक अनुसन्धान गरिरहेको छ ।