थानकोट ।

देशका केही भू–भागमा आज वर्षा र हिमापातको सम्भावना छ ।

देशका पहाडी भू–भागका एकदुई स्थानमा वर्षा र उच्च पहाडी तथा हिमाली भू–भागका केही क्षेत्रमा हिमपातको सम्भावना रहेको जल तथा मौसम विज्ञान विभागले जनाएको छ।

अहिले बिहान कोसी र गण्डकी प्रदेशको पहाडी भू–भागमा आंशिक बदली छ ।

बाँकी भू–भागमा मौसम मुख्यतया सफा छ ।

विभागले दिउँसो पहाडी भू–भागमा आंशिक बदली रहने बताएको छ । बाँकी भू–भागमा मौसम मुख्यतया सफा रहनेछ ।

कोसी, बागमती र गण्डकी प्रदेशका पहाडी भू-भागका एक-दुई स्थानमा आज हल्का वर्षाको सम्भावना छ । उच्च पहाडी तथा हिमाली भू–भागका एकदुई स्थानमा हल्का हिमपातको सम्भावना रहेको विभागको भनाइ छ ।

आज राति पहाडी भू–भागमा आंशिक बदली रहनेछ । बाँकी भू–भागमा मौसम मुख्यतया सफा रहनेछ ।