थानकोट ।

देशभर पश्चिमी वायुको आंशिक प्रभाव रहँदा आज अहिले बिहान पहाडी भू-भागमा आंशिक बदली रहेको छ ।

बाँकी भू-भागमा मौसम मुख्यतया सफा छ ।

तराईका थोरै स्थानमा हल्का हुस्सु लागेको छ ।

जल तथा मौसम विज्ञान विभागका अनुसार दिउँसो कोसी, बागमती र गण्डकी प्रदेशका पहाडी भू-भागमा आंशिकदेखि साधारणतया बदली रहनेछ ।

बाँकी भू-भागमा मौसम मुख्यतया सफा रहनेछ ।

कोसी, बागमती र गण्डकी प्रदेशका पहाडी भू-भागका एकदुई स्थानमा हल्का वर्षाको सम्भावना छ ।

उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना छ ।

विभागले राति कोसी, बागमती र गण्डकी प्रदेशका पहाडी भू-भागमा आंशिक बदली रहने बताएको छ ।

बाँकी भू-भागमा मौसम मुख्यतया सफा रहनेछ ।

कोसी र गण्डकी प्रदेशका पहाडी भू-भागका एक-दुई स्थानमा हल्का वर्षाको सम्भावना रहेको विभागले जानकारी दिएको छ ।