थानकोट ।

पूर्वसभामुख तथा नागरिक अभियन्ता दमननाथ ढुंगानाको निधन भएको छ ।

फ्रन्टलाइन अस्पताल काठमाडौंमा उपचारको क्रममा उनको आज दिउँसो निधन भएको जनाइएको छ ।

कलेजोसम्बन्धी समस्याबाट पीडित ढुंगाना केही समय देखी उपचाररत थिए ।

ढुंगाना आम निर्वाचन २०४८ मा काठमाडौं जिल्लाबाट नेपाली कांग्रेसका तर्फबाट निर्वाचित भएका थिए ।

०४६ सालको जनआन्दोलन पछि प्रतिनिधिसभाको पहिलो निर्वाचित सभामुखको जिम्मेवारीमा थिए । उनी वरिष्ठ अधिक्तासमेत थिए ।

उनले तत्कालीन विद्रोही माओवादीलाई शान्ति प्रक्रियामा ल्याउन भूमिका पनि खेलेका थिए ।