थानकोट ।

कारोबार हुने साताको पहिलो दिन आज आइतबार नेपाली बजारमा सुनचाँदीको मूल्यमा सामान्य गिरावट आएको छ ।

अघिल्लो कारोबार दिनको तुलनामा आज सुनको मूल्य तोलामा १ सय रुपैयाँले घटेको नेपाल सुनचाँदी व्यवसायी महासंघले जनाएको छ ।

आज छापावाल सुन प्रतितोला १ लाख ६० हजार रुपैयाँमा कारोबार भइरहेको छ ।

पछिल्लो कारोबार दिन गत शुक्रबार छापावाल सुनको भाउ प्रतितोला एक लाख ६० हजार १ सय रुपैयाँ कायम थियो ।

यस्तै आज चाँदीको मूल्य तोलामा ५ रुपैयाँले घटेको छ ।

आज आइतबार चाँदी प्रतितोला एक हजार ९ सय ५ रुपैयाँमा कारोबार भइरहेको महासंघले जनाएको छ ।

अघिल्लो कारोबार दिन (शुक्रबार) चाँदी प्रतितोला एक हजार ९ सय १० रुपैयाँमा कारोबार भएको थियो ।