थानकोट ।

चन्द्रागिरि नगरपालिका-०५ का फरक फरक स्थानमा एक जना महिला र एक जना पुरुष मृत भेटिएका छन् ।

प्रहरी वृत्त थानकोटका अनुसार चन्द्रागिरि नगरपालिका-०५ दुरसञ्चार नजिकै एक पुरुष बिहीबार मृत अवस्थामा भेटिएका छन् ।

वृत्त प्रमुख प्रहरी नायव उपरीक्षक सूर्यप्रकाश सुवेदीका अनुसार रामेछापका ३५ वर्षीय असले तामाङ बिहीबार मृत अवस्थामा भेटिएका हुन् । उनको शव परीक्षणका लागि त्रिवि शिक्षण अस्पताल लगिएको छ ।

यस्तै सोही वडास्थित वाणस्थली निवासी आयूषा कार्की मृत भेटिएको प्रहरी नायव उपरीक्षक सूर्यप्रकाश सुवेदीको भनाइ छ ।

कार्कीलाई बलम्बुस्थित सशस्त्र प्रहरी बल अस्पतालमा चिकित्सकले मृत घोषणा गरेका हुन् । दुवै घटनामाथि वृत्त थानकोटबाट आवश्यक अनुसन्धान भइरहेको बताइएको छ ।

तस्बिरः कृष्ण पराजुली