थानकोट ।

चन्द्रागिरि नगरपालिका–३, थानकोटस्थित मंगलोदय माविमा अध्ययनरत एक जना विद्यार्थी सम्पर्कविहीन भएका छन् ।

कात्तिक २५ गते आइतबार बिहान नौ बजे स्कुल जान भनि दहचोकस्थित ठूलाबा प्रकाशराज रेग्मीको घरबाट स्कुल पोशाकमा निस्किएका १५ वर्षीय दिनेश रेग्मी साँझ घर नफर्किएपछि आफन्तले खोजी गरेका थिए ।

तर सोमबार दिउँसोसम्म पनि दिनेश सम्पर्कमा नआएको उनको परिवारले जनाएको छ ।

दैलेखको भगवतीमाई गाउँपालिका–३ मेहलतोलीका मणिराम रेग्मी (हाल सुर्खेत बस्दै आएका) का छोरा दिनेश रेग्मी दहचोकमा ठूलाबा प्रकाशराज रेग्मीको घरमा अध्ययन गर्न बस्दै आएको उनको परिवारले बताएको छ ।

मंगलोदय माविमा कक्षा ९ मा अध्ययनरत उनी गहुँ गोरो वर्णका रहेको जनाइएको छ ।

अहिलेसम्म नभेटिएको हुनाले देख्नुहुनेले प्रकाशराज रेग्मी (बालकको ठूलोबुबा– ९८५१०२७८२४) लाई सम्पर्क गरिदिनुहुन परिवारले अनुरोधसमेत गरेको छ ।