थानकोट ।

थानकोट महालक्ष्मी जात्राका अवसरमा कार्तिक ३० गते शुक्रबार चन्द्रागिरि नगरपालिका-०४ थानकोटमा शोणिपुर सांस्कृतिक साँझ आयोजना हुने भएको छ ।

स्थानीय कोतघरमा हुने सो कार्यक्रममा ख्यातिप्राप्त गायक गायिकाहरूले प्रस्तुति दिने बताइएको छ ।

पछिल्लो समय चर्चामा रहेका गायक कुमा सागर, ख्वोपा ब्यान्ड, रोजमान महर्जन, निशा देशार तथा स्थानीय सांगितिक समुह तथा कलाकारहरुले सो कार्यक्रममा प्रस्तुति दिने बताइएको छ ।

ऐतिहासिक थानकोट महालक्ष्मी जात्राका अवसरमा वर्षेनी यस क्षेत्रमा विविध सांस्कृतिक कार्यक्रम आयोजना हुने गरेको छ ।

यसवर्ष मंसिर १ गते थानकोट महालक्ष्मी गणेश भैरव जात्रा मनाइँदैछ ।

ब्रदर्श यूनिटी समुहले कार्यक्रमको संयोजन गरेको हो ।