दुना टपरी गाँस्नेसहित २२ प्रकारका व्यवसायीहरूका लागि अनुदान वितरण गर्दै चन्द्रागिरि नगर
Thankot Times 
थानकोट ।
चन्द्रागिरि नगरपालिकाले माैलिक सिपमा आधारित विभिन्न व्यवसायमा संलग्न संस्था तथा व्यक्तिहरूलाई अनुदान वितरण गर्ने भएको छ ।
माैलिक सिपमा आधारित व्यवसाय प्रवर्द्धन तथा अनुदान कार्यविधि-२०७९ बमोजिम विभिन्न २२ प्रकारका व्यवसायहरूका लागि नगरले अनुदान वितरण गर्ने कार्यक्रम स्वीकृत भएको हो ।
चन्द्रागिरि नगरपालकिाले परालको चप्पल, सुकुल, गुन्द्री, गलैंचा बुन्ने, काष्ठकला, डोको, थुन्चे, डालो, नाङ्लो, सोली, ढकी, कोक्रो, पेरूङ्गो, मुढा बुन्ने, दुना टपरी गाँस्ने लगायतका व्यवसायसँग सम्बन्धित व्यक्ति तथा संस्थाहरूका लागि अनुदान वितरण गर्न लागेको हो ।
अनुदान प्राप्तिका लागि मंसिर मसान्तभित्र सम्बन्धित वडा मार्फत नगरपालिकामा निवेदन पेश गर्न सकिने नगरपालिकाले जनाएको छ ।
यसअघि अनुदान प्राप्त गरेका व्यवसायीहरूले भने यसवर्ष सो अनुदान नपाउने पनि सूचनमा उल्लेख छ ।
अनुदानका प्राप्तीका लागि को-को योग्य हुनेछन्, सूचना हेर्नुहोस्ः
ट्रेन्डिङ
