थानकोट ।

चन्द्रागिरि नगरपालिका-८ मातातिर्थमा प्रथम अध्यक्ष कप ब्याडमिन्टन प्रतियोगिता २०८१ आयोजना हुने भएको छ।

चन्द्रागिरि नगरपालिका वडा नं ८ को आयोजनामा र शितलबस्ती ब्याडमिन्टन क्लब एवं चन्द्रागिरि ब्याडमिन्टन क्लब र शितलबस्ती टोल विकास समितिको सहकार्यमा प्रथम अध्यक्ष कप ब्याडमिन्टन प्रतियोगिता आयोजना हुन लागेको हो।

कार्तिक १५ र १६ गते हुने प्रतियोगिता चन्द्रागिरि नगरपालिका-०८ स्थित शितलबस्तीमा सञ्चालन हुने बताइएको छ।

महिला र पुरुष डबल्स विधामा सञ्चालन हुने प्रतियोगिताका विजेता (पुरुष) ले १० हजार रुपैयाँ, उपविजेताले ५ हजार रुपैयाँ तथा तृतीय हुनेले २ हजार पाँच सय रुपैयाँ पुरस्कार पाउँदा महिलातर्फ पहिलो, दोश्रो र तेस्रो हुनेले क्रमशः ६ हजार, ३ हजार र १ हजार पाँच सय रुपैयाँ पुरस्कार पाउनेछन् ।