सितापाइलामा पार्किङ गरेर राखेको कारमा आगलागी
Thankot Times
२०८१ कार्तिक ५ गते ११:०२
थानकोट।
काठमाडौं महानगरपालिका-१५ स्थित सितापाइलामा पार्किङ गरिएको एउटा कारमा आगलागी भएको छ ।
सोमबार बिहान बा. प्र. ०२ ०२९ च ५९५० नम्बरको विद्युतीय कारमा आगलागी भएको प्रहरीले जनाएको छ ।
सितापाइलामा रहेको विश्वास स्पोर्टस् सर्भिस सेन्टरमा उक्त कार पार्किङमा राखिएको थियो ।
प्रहरीका अनुसार कारमा ब्याट्री सर्ट भएर धुवाँको मुस्लो निस्किएको हो ।
प्रहरी, दमकल र स्थानीयको सहयोगमा उक्त धुवाँ नियन्त्रणमा ल्याउने प्रयास भइरहेको प्रहरीले जनाएको छ ।
प्रहरीका अनुसार घटनामा कुनै मानवीय क्षति भएको छैन् ।
तस्बिरः साैगात श्रेष्ठ
ट्रेन्डिङ
