थानकोट ।

चन्द्रागिरि नगरपालिका वडा नम्वर ७ स्थित गाैचरणमा नवरात्रका अवसरमा स्थापना गरिएको नवदुर्गा मूर्ति बुधबार बिसर्जन गरिएको छ ।

वनदेवी सामुदायिक भवन संरक्षण समितिको तत्वावधानमा घटस्थापनाका दिनदेखि सुरु भएको पूजा नवरात्रसम्म जारी रहेकाे थियाे । तिथि घटबढका कारण बुधबार साे मूर्ति विसर्जन गरिएको हाे ।

काेजाग्रत पूर्णिमा व्रत भने भाेलि बिहीबार बस्नुपर्ने नेपाल पंचाङ्ग निर्णायक समितिले जनाएको छ।

बुधबार सयाैं भक्तजनहरुकाे सहभागितामा साे मूर्ति धादिङ जिल्लाको महेश खाेला दोभानमा विसर्जन गरिएको हो ।

मूर्ति विसर्जनका क्रममा बागमती प्रदेश सभा सदस्य रमा आलेमगरकाे समेत उपस्थिति रहेकाे थियाे ।