थानकोट ।

चन्द्रागिरि नगरपालिकाले दिगो विकास लक्ष्यका केही विषयगत क्षेत्रलाई स्थानीयकरण गर्न ‘स्थानीय स्वेच्छिक मूल्याङ्कन’ (भिएलआर) प्रतिवेदन तयार गरेको छ ।

सोमबार उपप्रधान तथा शहरी विकास मन्त्री प्रकाशमान सिंह, राष्ट्रिय योजना आयोगका सदस्य डा.रमेशप्रसाद सिंह, संयुक्त राष्ट्रसङ्घीय आवासीय संयोजक हन्ना सिगर हाम्दी लगायतको उपस्थितिमा नगरप्रमुख घनश्याम गिरीले विश्व बसोबास दिवसका अवसरमा आयोजित कार्यक्रममा ‘भिएलआर’ प्रतिवेदन सार्वजनिक गरेका हुन् ।

सन् २०३० सम्म दिगो विकास लक्ष्य हासिल गर्न र यसलाई स्थानीयकरण गर्न नगरपालिकाले ‘भिएलआर’ प्रतिवेदन तयार पारेको चन्द्रागिरि नगरप्रमुख गिरीले जानकारी दिए ।

सो क्रममा नगरप्रमुख गिरीले करिब एक वर्षको अथक मेहनतपछि सो प्रतिबेदन तयार भएको र नगरपालिका अब संयुक्त राष्ट्र संघसँग जोडिने भएकोमा सम्पुर्ण सरोकारवाला निकायहरुलाई धन्यवाद ज्ञापन गरे ।