थानकोट । 

चन्द्रागिरि नगरपालिका-०६ मातातिर्थस्थित बालागाउँ फुटबल मैदानमा असोज पहिलो साताबाट जारी मातातिर्थ गोल्डकप फुटबल प्रतियोगिताको तेस्रो संस्करणले आज नयाँ विजेता पाउँदैछ । 

बिहान ११ः३० बजे सुरु हुने फाइनल खेलमा क्लीन भीजन क्लब र एभरेष्ट युथ क्लब प्रतिस्पर्धा गर्दैछन् । यो खेलको विजेताले नगद ४ लाख रूपैयाँ, ट्रफी, मेडल र प्रमाणपत्र पाउनेछ ।

तेस्रो मातातिर्थ गोल्डकपमा ‘म्यान अफ दि म्याच’ले पाइरहेको पुरानो फोटोको चर्चा

दोश्रो हुने टोलीले २ लाख ५० हजार रूपैयाँ ट्रफी, मेडल र प्रमाणपत्र पाउनेछ ।

उत्कृष्ठ टोलीले २० हजार प्रोत्साहन रकम पाउनेछ ।

मातातिर्थ संरक्षण तथा विकास संस्थाको आयोजनामा प्रतियोगिता भइरहेको प्रतियोगितामा व्यक्तिगत विधातर्फ सर्वोत्कृष्ठ खेलाडी, सर्वाधिक गोल कर्ता, उत्कृष्ठ डिफेन्डर र उत्कृष्ठ गोल रक्षकले नगद १० हजार रूपैयाँ, ट्रफी, मेडल प्राप्त गर्नेछन् ।

प्रतियोगिता समापन समारोहमा संघीय सरकार युवा तथा खेलकुद मन्त्री तेजुलाल चाैधरी, बागमती प्रदेश सभा सदस्य त्रय रमा आलेमगर, यमुनादेवी श्रेष्ठ र विन्दु श्रेष्ठ, चन्द्रागिरि नगरका मेयर घनश्याम गिरी, उपमेयर बसन्ती श्रेष्ठ लगायतको सहभागिता रहने मातातिर्थ संरक्षण तथा विकास संस्थाका अध्यक्ष शान्त उदासले जानकारी दिनुभयो ।