थानकोट ।

चन्द्रागिरि नगरपालिका-०६ मातातिर्थ बालागाउँमा जारी तेस्रो मातातिर्थ गोल्डकप फुटबल प्रतियोगिता अन्तर्गत तेस्रो स्थानका लागि सेमीफाइनलमा पराजित टोलीहरू समतामुलक र मिलन युथबीच अहिले बिहान ८ बजे खेल सुरु हुँदैछ ।

शुक्रबार सम्पन्न प्रतियोगिताको पहिलो सेमीफाइनलमा एभरेष्ट युथ क्लबसँग मिलन युथ क्लब २-० ले पराजित भएको थियो । 

दोश्रो सेमीफाइनलमा समतामुलक युवा क्लब क्लीन भीजनसँग सडेन डेथमा ५-४ ले स्तब्ध बनेको थियो । 

प्रतियगितामा तेस्रो स्थान हात पार्ने टोलीले १ लाख ५० हजार रूपैयाँ, ट्रफी, मेडल र प्रमाण पत्र प्राप्त गर्नेछ ।

प्रतियोगिताको फाइनल खेल आज नै बिहान ११ः३० बजे सुरु हुने तालिका रहेको छ। जहाँ एभरेष्ट युथ क्लब र क्लीन भीजन क्लबबीच प्रतिस्पर्धा हुनेछ ।

प्रतियोगिताको विजेताले नगद ४ लाख रूपैयाँ, ट्रफी, मेडल र प्रमाणपत्र पाउनेछ ।

दोश्रो हुने टोलीले २ लाख ५० हजार रूपैयाँ ट्रफी, मेडल र प्रमाणपत्र पाउनेछ । उत्कृष्ठ टोलीले २० हजार प्रोत्साहन रकम पाउनेछ ।

व्यक्तिगत विधातर्फ सर्वोत्कृष्ठ खेलाडी, सर्वाधिक गोल कर्ता, उत्कृष्ठ डिफेन्डर र उत्कृष्ठ गोल रक्षकले नगद १० हजार रूपैयाँ, ट्रफी, मेडल प्राप्त गर्नेछन् ।

मातातिर्थ संरक्षण तथा विकास संस्थाको आयोजनामा प्रतियोगिता सञ्चालन भएको हो ।