तेस्रो मातातिर्थ गोल्डकप: समतामुलक र मिलन युथ सेमीफाइनलमा
Thankot Times 
थानकोट ।
चन्द्रागिरि नगरपालिका-०६ मातातिर्थ बालागाउँमा जारी तेस्रो मातातिर्थ गोल्डकप फुटबल प्रतियोगिताको सेमीफाइनल समीकरण पूरा भएको छ ।
बुधबार भएका खेलमा जित हात पार्दै समतामूलक युवा क्लब र मिलन युथ क्लबले सेमीफाइनलमा स्थान पक्का गरेका हुन् ।
समतामूलक युवा क्लबले सिद्धीकाली युवा क्लबमाथि ३-१ को जित हात पार्यो ।
अन्तिम क्वाटर फाइनल खेलमा दि हिलिङ होम फुटबल क्लबमाथि ४-० को जित निकाल्दै मिलन युथ क्लबपनि प्रतियोगिताको अन्तिमा चारमा प्रवेश गरेको हो ।
प्रतियोगिता अन्तर्गत आज बिहीबार कुनै खेल हुनेछैन् ।
सेमिफाइनल खेल भाेलि शुक्रबार हुने तालिका छ । तेस्रो स्थान र फाइनल खेल शनिबार हुनेछ ।
प्रतियोगिताको विजेताले नगद ४ लाख रूपैयाँ, ट्रफी, मेडल र प्रमाणपत्र पाउनेछ ।
दोश्रो हुने टोलीले २ लाख ५० हजार रूपैयाँ ट्रफी, मेडल र प्रमाणपत्र पाउनेछ । यस्तै तेस्रो स्थान प्राप्त गर्ने टोलीले १ लाख ५० हजार रूपैयाँ, ट्रफी, मेडल र प्रमाण पत्र प्राप्त गर्दा उत्कृष्ठ टोलीले २० हजार प्रोत्साहन रकम पाउनेछ ।
व्यक्तिगत विधातर्फ सर्वोत्कृष्ठ खेलाडी, सर्वाधिक गोल कर्ता, उत्कृष्ठ डिफेन्डर र उत्कृष्ठ गोल रक्षकले नगद १० हजार रूपैयाँ, ट्रफी, मेडल प्राप्त गर्नेछन् ।
सेमीफाइनल खेल असोज १८ गते खेलाइने छ भने तेस्रो स्थान र फाइनल खेल असोज १९ गतेका लागि तय भएको बताइएको छ ।
मातातिर्थ संरक्षण तथा विकास संस्थाको आयोजनामा प्रतियोगिता सञ्चालन भएको हो ।
ट्रेन्डिङ
