मातातिर्थ गोल्डकपः मैदान हिलाम्मे भएका कारण आजका खेल पनि स्थगित
Thankot Times
२०८१ असोज १३ गते ११:००
थानकोट।
लगातारको वर्षाका कारण मैदान हिलाम्मे भएपछि मातातिर्थ गोल्डकप फुटबल प्रतियोगिता अन्तर्गत आजका लागि निर्धारण गरिएका खेल पनि स्थगित गरिएका छन् ।
आयोजक मातातिर्थ संरक्षण तथा विकास संस्थाका अनुसार मैदानमा पानी सुकाउने क्रम जारी रहेकोले प्रतियोगिता अन्तर्गत आज आइतबारका लागि तय भएका खेल स्थगित भएका हुन् ।
चन्द्रागिरि नगरपालिका-०६ मातातिर्थ बालागाउँस्थित मैदानमा प्रतियोगिता असोज ७ गतेबाट सञ्चालन भइरहेको छ । १८ टोली सम्मिलित प्रतियोगिताको फाइनल खेल असोज १७ गते हुने तालिका छ ।
यसअघि शुक्रबार र शनिबारका लागि तोकिएका खेल समेत स्थगित गरिएका थिए ।
भोलि (सोमबार) बाट प्रतियोगिता सुचारु हुने आयोजकको भनाइ छ ।
ट्रेन्डिङ
